(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.218. అధ్యాయః 218
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
మహేశ్వరేణ పార్వతీంప్రతి ప్రాణినాం శుభాశుభకర్మానుసారేణ శుభాశుభఫలప్రాప్తికథనం॥ 1 ॥
Mahabharata - Anushaasana Parva - Chapter Text

ఉమోవాచ।

భగవందేవదేవేశ త్ర్యక్ష భో వృషభధ్వజ।
మానుషాస్త్రివిధా దేవ దృశ్యంతే సతతం విభో॥ 13-218-1(89944)
ఆసీనా ఏవ భుంజంతే స్థానైశ్వర్యపరిగ్రహైః।
అపరే యత్నపూర్వం తు లభంతే భోగసంగ్రహం॥ 13-218-2(89945)
అపరే యతమానాశ్చ న లభంతే తు కించన।
కేన కర్మవిపాకేన తన్మే శంసితుమర్హసి॥ 13-218-3(89946)
మహేశ్వర ఉవాచ। 13-218-4x(7500)
న్యాయతస్త్వం మహాభాగే శ్రోతుకామాఽసి భామిని॥ 13-218-4(89947)
యే లోకే మానుషా దేవి దానధర్మపరాయణాః।
పాత్రాణి విధివజ్జ్ఞాత్వా దూరతోప్యనుమానతః॥ 13-218-5(89948)
అభిగంయ స్వయం తత్ర గ్రాహయంతి ప్రసాద్య చ।
దానాది చేంగితైరేవ తైరవిజ్ఞాతమేవ వా॥ 13-218-6(89949)
పునర్జన్మని తే దేవి తాదృశాః శోభనా నరాః।
అయత్నతస్తు తాన్యేవ ఫలాని ప్రాప్నువంత్యుత॥ 13-218-7(89950)
ఆసీనా ఏవ భుంజంతే భోగాన్సుకృతభోగినః॥ 13-218-8(89951)
అపరే యే చ దానాని దదత్యేవ ప్రయాచితాః।
యదాయదాఽర్థినే దత్త్వా పునర్దానం చ యాచితాః॥ 13-218-9(89952)
తావత్కాలం తతో దేవి పునర్జన్మని తే నరాః।
యత్నతః శ్రమసంయుక్తాః పునస్తాన్ప్రాప్నువంతి చ॥ 13-218-10(89953)
యాచితా అపి కేచిత్తు అదత్త్వైవ కథంచన।
అభ్యసూయాపరా మర్త్యా లోభోపహతచేతసః॥ 13-218-11(89954)
తే పునర్జన్మని శుభే యతంతో బహుధా నరాః।
న ప్రాప్నువంతి మనుజా మార్గంతస్తేఽపి కించన॥ 13-218-12(89955)
నానుప్తం రోహతే సస్యం తద్వద్దానఫలం విదుః।
యద్యద్దదాతి పురుషస్తత్తత్ప్రాప్నోతి కేవలం॥ 13-218-13(89956)
ఇతి తే కథితం దేవి భూయః శ్రోతుం కిమిచ్ఛసి॥ 13-218-14(89957)
ఉమోవాచ। 13-218-15x(7501)
భగవన్భగనేత్రఘ్న కేచిద్వార్ధకసంయుతాః।
అభోగయోగ్యకాలే తు భోగాంశ్చైవ ధనాని చ॥ 13-218-15(89958)
లభంతే స్థవిరా భూతా భోగైశ్వర్యం యతస్తతః।
కేన కర్మవిపాకేన తన్మే శంసితుమర్హసి॥ 13-218-16(89959)
మహేశ్వర ఉవాచ। 13-218-17x(7502)
హంత తే కథయిష్యామి శృణు తత్వం సమాహితా॥ 13-218-17(89960)
ధర్మకార్యం చిరం కాలం విస్మృత్య ధనసంయుతాః।
ప్రాణాంతకాలే సంప్రాప్తే వ్యాధిభిశ్చ నిపీడితాః॥ 13-218-18(89961)
ఆరభంతే పునర్ధర్మం దాతుం దానాని వా నరాః।
తే పునర్జన్మని శుభే భూత్వా దుఃఖపరిప్లుతాః॥ 13-218-19(89962)
అతీతయౌవనే కాలే స్థవిరత్వముపాగతాః।
లభంతే పూర్వదత్తానాం ఫలాని శుభలక్షణే॥ 13-218-20(89963)
ఏతత్కర్మఫలం దేవి కాలయోగాద్భవత్యుత॥ 13-218-21(89964)
ఉమోవాచ। 13-218-22x(7503)
భోగయుక్తా మహాదేవ కేచిద్వ్యాధిపరిప్లుతాః।
అసమర్థాశ్చ తాన్భోక్తం భవంతి కిము కారణం॥ 13-218-22(89965)
మహేశ్వర ఉవాచ। 13-218-23x(7504)
వ్యాధియోగపరిక్లిష్టా యే నిరాశాః స్వజవితే।
ఆరభంతే తదా కర్తుం దానాని శుభలక్షణం॥ 13-218-23(89966)
తే పునర్జన్మని శుభే ప్రాప్య తాని ఫలాన్యుత।
అసమర్థాశ్చ తాన్భోక్తుం వ్యాధితాస్తే భవంత్యుత॥ 13-218-24(89967)
ఉమోవాచ। 13-218-25x(7505)
భగవందేవదేవేశ మానుషేష్వేవ కేచన।
రూపయుక్తాః ప్రదృశ్యంతే శుభాంగా ప్రియదర్శనాః।
కేన కర్మవిపాకేన తన్మే శంసితుమర్హసి॥ 13-218-25(89968)
మహేశ్వర ఉవాచ। 13-218-26x(7506)
హంత తే కథయిష్యామి శృణు తత్వం సమాహితా॥ 13-218-26(89969)
యే పురా మనుజా దేవి లజ్జాయుక్తాః ప్రియంవదాః।
శక్తాః సుమధురా నిత్యం భూత్వా చైవ స్వభావతః॥ 13-218-27(89970)
అమాంసభోజినశ్చైవ సదా ప్రాణిదయాయుతాః।
ప్రతికర్మప్రదా వాఽపి వస్త్రదా ధర్మకారణాత్।
భూమిశుద్ధికరా వాఽపి కారణాదగ్నిపూజకాః॥ 13-218-28(89971)
ఏవం యుక్తసమాచారాః పునర్జన్మని తే నరాః।
రూపేణ స్పృహణీయాస్తు భవంత్యేవ న సంశయః॥ 13-218-29(89972)
ఉమోవాచ। 13-218-30x(7507)
విరూపాశ్చ ప్రదృశ్యంతే మానుషేష్వేవ కేచన।
కేన కర్మవిపాకేన తన్మే శంసితుమర్హసి॥ 13-218-30(89973)
మహేశ్వర ఉవాచ। 13-218-31x(7508)
తదహం తే ప్రవక్ష్యామి శృణు కల్యాణి కారణం॥ 13-218-31(89974)
రూపయోగాత్పురా మర్త్యా దర్పాహంకారసంయుతాః।
విరూపహాసకాస్చైవ స్తుతినిందాదిభిర్భృశం॥ 13-218-32(89975)
పరోపతాపనాశ్చైవ మాంసాదాశ్చ తథైవ చ।
అభ్యసూయాపరాశ్చైవ అశుద్ధాశ్చ తథా నరాః॥ 13-218-33(89976)
ఏవం యుక్తసమాచారా యమలోకే సుదండితాః।
కథంచిత్ప్రాప్య మానుష్యం తత్ర తే రూపవర్జితాః।
విరూపాః సంభవంత్యేవ నాస్తి తత్ర విచారణా॥ 13-218-34(89977)
ఉమోవాచ। 13-218-35x(7509)
భగవందేవదేవేశ కేచిత్సౌభాగ్యసంయుతాః।
రూపభోగ్యవిహీనాశ్చ దృశ్యంతే ప్రమదాప్రియాః।
కేన కర్మవిపాకేన తన్మే శంసితుమర్హసి॥ 13-218-35(89978)
మహేశ్వర ఉవాచ। 13-218-36x(7510)
యే పురా మనుజా దేవి సౌంయశీలాః ప్రియంవదాః।
స్వదారైరేవ సంతుష్టా దారేషు సమవృత్తయః॥ 13-218-36(89979)
దాక్షిణ్యేనైవ వర్తంతే ప్రమదాస్వప్రియాస్వపి।
న తు ప్రత్యాదిశంత్యేవ స్త్రీదోషాన్గుణసంశ్రితాన్। 13-218-37(89980)
అన్నపానీయదాః కాలే నృణాం స్వాదుప్రదాశ్చ యే।
స్వదారవర్తినశ్చైవ ధృతిమంతో నిరత్యయాః॥ 13-218-38(89981)
ఏవం యుక్తసమాచారాః పునర్జన్మని శోభనే।
మానుషాస్తే భవంత్యేవ సతతం సుభగా భృశం।
అర్థాదృతేఽపి తే దేవి భవంతి ప్రమదాప్రియాః॥ 13-218-39(89982)
ఉమోవాచ। 13-218-40x(7511)
దుర్భగాః సంప్రదృశ్యంతే ఆఢ్యా భోగయుతా అపి।
కేన కర్మవిపాకేన తన్మే శంసితుమర్హసి॥ 13-218-40(89983)
మహేశ్వర ఉవాచ। 13-218-41x(7512)
తదహం తే ప్రవక్ష్యామి శృణు సర్వం సమాహితా॥ 13-218-41(89984)
యే పురా మనుజా దేవి స్వదారేష్వనపేక్షయా।
యథేష్టవృత్తయశ్చైవ నిర్లజ్జా వీతసంభ్రమాః॥ 13-218-42(89985)
పరేషాం విప్రియకరా వాఙ్మనఃకాయకర్మభిః।
నిరాశ్రయా నిరానందాః స్త్రీణాం హృదయకోపనాః॥ 13-218-43(89986)
ఏవం యుక్తసమాచారాః పనర్జన్మని తే నరాః।
దుర్భగాస్తు భవంత్యేవ స్త్రీణాం హృదయవిప్రియాః। 13-218-44(89987)
నాస్తి తేషాం రతిసుఖం స్వదారేష్వపి కించన॥ ॥ 13-218-45(89988)

ఇతి శ్రీమన్మహాభారతే అనుశాసనపర్వణి దానధర్మపర్వణి అష్టాదశాధికద్విశతతమోఽధ్యాయః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.